樓奴精讀班 : 三種買樓的香港人,你有這樣的朋友嗎?


property-course

%e9%a6%99%e6%b8%af%e4%ba%ba%e8%b2%b7%e6%a8%933

中原城市領先指數(CCL)最新報137.50點,創39周新高,按周升了0.95%。樓市向上反覆加速的走勢由大型屋苑伸延至豪宅,CCL 的大型單位按周急升2.74%,升幅為54周內最大,亦是本周八大指數升幅最大。指數最新報139.20點,創35周新高。咁現在買唔買樓好?

冇樓唔結婚

經常聽到好多朋友埋怨女朋友或身邊長輩,話冇樓就唔好結婚,其實係幫咗你!

事實上絕大部份人,覺得樓…是買來自住的,如果沒有自住需要,例如由細到大與家人同住,那就不用買樓,呢個諗法就害死你啦!全球量化寬鬆之下,資產價格不斷上升,唔把握機會及早上車,將來想買樓的時候就會發覺,距離已經好遙遠。

如果你的女朋友或身邊的前輩同你講,冇樓就唔好結婚,表面上感覺好冷酷無情,好現實,但係諗深一層,其實係迫使你盡早去諗上車買樓這回事,就好似筆者有朋友,十幾年前結婚,因為結婚要買樓,當時係樓價最低位,買咗個海怡半島的大單位,今日就因為呢個決定,坐擁千萬資產,都咪話唔爽。

不過都唔係冇風險的,筆者亦都有朋友去年中結婚,適逢樓市最高峰,於是就做咗個錯誤決定,呎價萬五高追河畔花園,最低位跌咗成球嘢,都咪話唔傷。

冇樓唔結婚…係一個重要但深層的概念,因為要學識點樣睇樓市,點樣揀樓!

gardenr
今時今日的年青人,籌備結婚起碼搞一兩年,當中會經歷樓價起跌,裝備自己,把握機會,就有機會又住又賺!

 

租樓照結婚

結婚、搬出去住、建立自己的家庭,本來就已經有很多支出,如果再要租樓住,就更加吃力。試想想又要租樓,又要養家,仲點儲錢呢?將來仲有冇本錢去買樓呢?當然你可以話,其實一世租樓住都冇問題,筆者唔反對呢個諗法,不過要有心理準備,第一,租金係會隨住通賬而上升,你的人工係咪會跑贏通脹呢?

如果你對自己的賺錢能力好有信心,搵幾皮嘢,甚至十萬八萬一個月,當然冇問題,如果只係一個普通的打工仔,將來又係咪追得上物價呢?第二,如果冇資產,將來子女大咗,需要更大地方住,又或者要去外國讀書,樣樣都係錢,係咪應付到呢?

好多人話,感情唔應該俾樓影響,筆者同意,如果真係想結婚,但係又未有能力買樓,租住先都冇問題,不過由計劃結婚的時候開始,就應該要有一個買樓計劃,如何盡量減低租樓成本,儲錢買樓。其實兩公婆要儲錢買個上車盤唔難,課堂上再同大家分享。

 

照結婚,分開住

呢個真係新思維,筆者以前真係諗都冇諗過,不過又不失為一個好主意。一來又可以有自己的生活空間,二來又可以俾時間自己儲首期。不過重點係,要有計劃!冇理由成世分開住,咁結婚嚟做乜呢?可以先結婚,再用兩、三年時間,努力儲首期,效果可能仲好過租樓住。
又有人話,結咗婚都要分開住,冇天理!

問題係,無論你幾大聲叫冇天理,樓價都唔會跌七成俾你買,政府亦唔會派間公屋俾你,所以大叫完之後你都係要面對現實,其實好多朋友要返大陸工作都係咁架啦,星期一至五响大陸,星期六日返香港。最近朋友在珠海租了一個三房一廳的大單位,月租只是三千元,星期一至五就努力工作,星期六日就去珠海渡假,又儲到錢,計劃兩年後夠首期買樓,呢啲咪新思維囉。

 

★ 普遍小市民一世人的買樓次數可能是一至兩次,希望我的分享能幫助你了解香港置業多一點 ★

❤ 多謝學員及讀者支持!我和 1% Anthony 合著新書《買樓上車防中伏》第一版賣斷市!

《買樓上車防中伏》之「加強版」巳在各大書局有售,有關書的內容歡迎參閱 :  http://bit.ly/WinPropertieBook6AA

文 : Ann Wong (cMoneyHome Ann)
annwong2從事驗樓、置業教學及物業監督工程
著作 《買樓上車防中伏》NEW, 《嬴盡日本樓》, 《上車又住又賺》, 《8090置業上車101》
cmoneyhome@gmail.com

✦ 你想豐富買樓學問,不要錯過 " 買樓買車3小時分享會 ➤ http://bit.ly/1sefUSQ