買樓按揭借6成風險大?定借9成風險大?

lauknow-post590% 按揭風險高?還是…60% 按揭風險高?一般人對按揭借貸都有很多錯誤的觀念,以上是其中一個!政府說…降低按揭成數,可以減低風險,又信!傳媒說…做九成按揭很容易負資產,又驚!事實係咪咁呢? ( 文章 :  cMoneyHome Ann x  1% Anthony )

******讀者基本資料******

自己收入:$32,000
太太收入:$20,000
家庭收入:$52,000
現有資金:自己與太太有 $80 萬,父母可支持 $60 萬,
合共有 $140 萬,勉強夠俾 40% 首期。
目標買樓:$350 萬左右的兩房單位

*******************

問題一:借九成按揭,不會風險太高了嗎?我應該借幾多呢?

政府說…降低按揭成數,可以減低風險!
請留意…政府所講,是銀行體系風險,不是你個人風險!
如果將來市場逆轉,有機會出現資不抵債,即負資產。

例如你買入 $300 物業,借 90% 按揭,首期 $30 萬,欠銀行 $270 萬,如果樓價跌兩成,即跌至 $240 萬,有乜冬瓜豆腐,賣咗層樓都唔夠還俾銀行,業主如果等錢使,就會有好大誘因斷供,如果個個係咁,銀行肯定蝕大錢、收水唔借錢,天下大亂!

如果 60% 按揭,首期 $120 萬,欠銀行 $160 萬,將來樓價即使跌三成,跌到 $210  萬,拍賣後銀行攞番欠款,仲有 $50 萬俾番你,最少要跌 40% 以上才會出現這個情況,安全不過。

至於業主,Sorry…冇人理過你的風險!
如果經濟唔好、失業、冇錢供樓!銀行就會收樓、拍賣。

上述第一個情況,借 90% 按揭,樓價跌 20%,如果你斷供,現兜兜蝕咗 $30 萬,仲爭銀行 $30 萬,你可以選擇還錢,亦可以選擇申請破產,當年 1997 ~ 2003 年就出現破產潮。

上述第二個情況,借 60% 按揭,樓價跌 30%,如果你斷供,現兜兜蝕咗 $90 萬!無論那一個情況,你都係樓又冇、錢又冇…將來樓價回升,你乜都冇囉!